اخص

بقينا ف البيت ثلاثة بنات وقطة

انا بجد تعبت

زهقت اوى وتعبت وخلاص مش قادرة بجد مش قادرة

نفسى احس بالامان بقى نفسى لما تبقى عندى مشكله اروح اقولها لبابا اغلس عليه اهزر معاه

نفسى احس بالامان اللى اى حد ف سنى بيحسه مع ابوه

نفسى احس انه قاعد معايا على طول مش اى ف اجازة وماشى تانى

عايزة احس بحنانه

مش عايزة اشوف الدموع اللى دايما بتبقى ف عينه لما بيمشى ويقولى اسمعى كلام ماما يا مرام

عايزاه يفضل جمبى يقولى غلط يا مرام متعمليش كدا

عايزة اخد المصروف منه الصبح

عايزاه يودينى المدرسة

ويذاكرلى النحو

ويجى بالليل وانا نايمة يغطينى ويبوسنى

تعبت من احساس انه كل شوية هيسافر

بتصعب عليا نفسى لما اغلب كلامى معاه يبقى ع النت

وهو كمان بيصعب عليا اوووى عشان انا عارفة انه بيحبنا اوى

وانا كمان بحبك اوى يا بابا

بكره احلى

من غير اسباب كتير تخلينى اصدق ان بكره احلى 

بكره احلى فعلا ان شاء الله

أحيــــــاناً نحتاج أن نبــــــتعد قلــــــيلاً ،،،
لنـــــــعرف من ســـيخــــرج للبـــــــحـث عـــــــنـا

يا أنا

يا أنا يا أنا

يا أنا يا أنا

أنا وياك

صرنا القصص الغريبة

يا أنا يا أنا أنا وياك

و انسرقت مكاتيبي

و عرفوا انك حبيبي

يا أنا يا أنا

هرب الصيف

هربت عناقيد الزينة

وإذا ضيعني الهوى شي صيف بقلبك بتلاقيني

و خبيني و لا تخبيني

لياليك بعينيي

شبابيك مضويي

سفرني حبيبي

سفرني بلياليك

و أنا قول

لا تنسى

على طول لا تنسى

و عيونك تاخدني

و توعدني بلياليك

تركوا تركوا سهر البال

و العاشق لم جناحوا

تركوا أساميهن

عالباب

على كتب الدمع

و راحوا

نسيو بعضون و أرتاحوا

All the thoughts lead back to you

يارب

يــــــــــــا رب انـــــزع مــــن قلبــــــي تــــلك الأشيـــاء التـــي تؤلمنـــي فقـــد خــــاب
الظــــن بالكثيــــر !!! و الظــــن بـــــك لا يخيـــــب

:)

مش زى الافلام

Take Me Away

I feel like I am all alone 
All by myself I need to get around this 
My words are cold, I don't want them to hurt you
  If I show you, I don't think you'd understand 
Cause no one understands

مش شرط

 مــــش شـــــرط اعــــجـــب كــــل الـــنــــاس

انــــا مــــش كــــل الــنـــــاس بــتـــعــجـــبـــنــــي (:

Where are the hopes, where are the dreams

My Cinderella story scene

لكل مقام مقال

يعنى مينفعش مثلا اروح السوق وانا لابسة فستان سواريه

ولا ينفع اروح النادى ببيجامة البيت مثلا 

ولا ينفع اقول كلمة ف موقف معين ملهاش علاقة بالموقف ده 

وممكن تزعل حد وتودى الدنيا ف داهية :huh :

الحب اللى بجد

اجمل حاجة ف الدنيا كلها ان الواحد يتربى ف اسرة يكون الاب والام فيها بيحبو بعض 

ودى حاجة الحمد لله ربنا اهداها لاسرتنا بس الاجمل بقى من كدا 

ان الجد والجدة يكونو هم كمان بيحبو بعض ودى حاجة بجد حلوة اوى 

يعنى انا بحس ان جدو بيحب تيتا اوى وهى كمان بتحترمه وبتحبه جدا 

حاجة جميلة اوى انهم بالرغم من انهم كبار وعندهم 4 ابناء و 12 حفيد الا انهم مازالو بيحبو بعض 

بيحبو بعض الحب اللى بجد

دفن المهرج أبنه الوحيد !!
ثم صعد إلى المسرح , ضحك الجمهور
نفض المهرج يديه من الترآب
ضحك الجمهور أكثر !! 

تفجر المهرج باكياً وتعآلت الضحكآت في كل مكآن
سقط المهرج ميتاً على المسرح !!!!
وقف الجمهور وصفق بحرآرة .
.
.
بإختصآر :
عندمآ تعتآد على إسعآد النآس , فكن على ثقه بأن النآس لن تشعر بمآ تمر به من ضيقه أبداً

فيها حاجة حلوة

مين ياخد قلبى المليان ويدينى قلبى الفاضى

ماشى بدون قدم مسنود على العدم 

اضحك ف الضحكة شوكة 

بتضحك من الالم

سنتين

كابتن عمرو

يونس

ينفع احبك من غير قلبى

مشيت وياكى للاخر اتارى اولك اخر عنيكى خدتنى للحلم اللى مبيكملش 

كلام خلى احلامى تشوفنى واشوفها قدامى وهمتينى وخلاص مقدرش متكلمش

شيئ من بعيد نادنى

نادانى من يمينى ولسة بينادينى بيقولى حصلينى على بلد  العجايب

my heart will go on

كان على عينى

هو عند الحكومة بيرجع يا لمبى

فنان من نوع تانى

كابتن عمرو حضرتك بجد فنان بس فنان من نوع تانى بتعرف ازاى تعمل حاجات بسيطة اوى بس بتفرح اللى حواليك اوى 

انا بجد مبسوطة 

بحب الحاجات البسيطة اللى حضرتك بتعملها

يعنى التدوينة دى بجد صح 

http://amrfekry.blogspot.com/2011/06/blog-post_17.html

حضرتك دايما صاحب قرار 

بغض النظرعن الفانوس اللى انا بجد فرحت بيه او ان حضرتك جريت كل ده عشان تلحق تجيب الفانوس  قبل ما امشى

بس كمان الحزام اللى حضرتك ادتهونى انا بالذات 

انا بحب لما حضرتك تميزنى بحاجة حتى لو ادتنى مثلا المفاتيح اشيلها معايا

عايزة اقولك بس يا كابتن شكرا شكرا بجد لان انا كنت بجد متدمرة نفسيا

وحضرتك فرحتنى 

شكرا ..

***

ليه

انتو ليه بتعملو فيا كدا انا تعبت بقى بجد حرام عليكو 
حرام

يارب

انا لوحدى

اوى

انا بعشق السما

فعلا

من ذاق عرف

فى حاجات تتحس

وما تتقالش

كتير اشتاقتلك

قرب قرب ليا قرب ليا تا ضمك
كيف كيف لك قلب تبعد كل ها الايام
قلبى تقبر قلبى كتير كتير اشتاقتلك
وبدى قلك اكتر مش عم لاقى الكلام .....

فانوس رمضان !

زمان بابا وماما كانو بيجيبولى فانوس رمضان قبل رمضان بشهر
والمفروض ان ف الوقت ده بيكونو جايبنلى الفانوس 
سألت ماما انتى مش هتجيبلى فانوس رمضان ولا ايه
قالتلى : مرام انتى كبرتى !!

هييييييييييييييييييه

خدت الحزام الاسود 
هيييييييييييييييييييه 
وبقيت كابتن 
هيييييييييييييه

يومى

بغض النظر عن  ان اليوم النهارده كان متعب جدا 
وبغض النظر عن انى مش قادرة افرد ضهرى او امشى على رجلى وبمشى زى الفرخة الدايخة 
وبغض النظر عن انى كان هيغمى عليا النهارده 
وبغض النظر ان رجلى كلها فقاليل 
بس بجد اليوم كان ممتع اوى وانا كنت مبسوطة اوى ياريت سلمى كانت موجودة 
التمرين بجد كان مختلف اينعم كان غير اللى احنا متعودين عليه 
وانا بقى دخلت ع التمرين سخنة اوى وبغباء ولقيت نفسى هيغمى عليا 
ههههههههه
من اجمل التعليقات اللى سمعتها ف التمرين لما كان الكابتن بيبقى بره 
لقيت اتنين صغيرين بيكلمو بعض واحد بيقول للتانى على فكرة كابتن عمرو ده احسن من كل الكباتين اللى هنا معرفش ايه كباتين دى بس يلا 
فالتانى بيقوله ليه بيقوله اصله بيخلينا ناخد 2 راحة لكن كابتن خالد بيخلينا نطلع مرة واحدة وكمان بيخلينا نصلى 
مفيش اساسا وجه مقارنة بين التمرينين ! 
على رأى رهف انتى هتقارنى البلحة بالكيوى ههههههههههه

حرية

الشعب المصرى اشترى حريته .. بس نسى يشترى الكاتلوج
ونازل لعب فى كل الزراير

 

مركبى فضة

دى مركبى فضة

وفرحى لو قضى 

حبيبتى تبقى معاى
من غيرها مش هرضى

انسان

انا مش فارس ولا فتى احلام 
انا زحمة وربكة وشغل جنان 
نص بيضحك والتانى زعلان 
انا شيخ فلتان 
طيب شرير وجرئ وجبان 
اوقات مشرق واوقات بهتان 
وساعات سلم وساعات تعبان 
مفترى جدا وكمان غلبان 
شبابيك وببان 
توهة عنوان 
انا من الاخر عفريت لابس بدلة انسان 

مرام وسلمى

مش هقول نصى التانى وكدا ولا هقول احنا الاتنين واحد
لا احنا اتنين بس بروح واحدة
بتفهمنى من عينى تعرف كلام كتييييير انا عايزة اقوله بعينى وترد عليا بعينها
وساعات كتير بتفهمنى وتحس بيا وهى مش شايفانى
يعنى لو انا بكلمها على الميل وكنت بعيط وبتكلم معاها عادى الاقيها ف نص الكلام بتقولى مرام على فكرة انتى بتعيطى
بحب انها حاسة بيا وعندها استعداد تسمعنى اوى عندها استعداد انها لو فرحانة وشافتنى زعلانة تدارى فرحتها عشان متضايقنيش
بحب الخطط اللى بنعملها وبحب الكلام اللى بينا اللى بيبقى سر محدش يعرفه خالص غيرها وانا
بحب اما نخرج مع بعض تقريبا عملنا كل حاجة مع بعض فاضل بس اسافر معها فى يوم وهيحصل باذن الله
كلنا مع بعض لعبنا خرجنا عملنا شوبنج خدنا دروس مع بعض اتعلمنا مع بعض ف الفصل مع بعض ف النادى مع بعض
فى الحزام مع بعض ف المدرسة مع بعض
عملنا مصايب مع بعض اتضربنا مع بعض سواء من مامتها او مامتى او من كابتن احمد
اللى بتكره بكره واللى بتحبه بحبه مش عشان انا لاقيتها بتحب حاجة فانا بحبها لا دى بجد صدفة انى معظم الحاجات اللى بحبها
هى بتحبها واللى بكره بتكره بس صدفة
بحب لما نقعد على الكنبة الحمرا اللى ف النادى وتكلمنى بعد التمرين عن حاجة معينة
بحب لما اكلمها فى التيليفون وتقولى هبقى اقولك ف النادى او ف المدرسة عشان حواليها ناس ومش عارفة تكلمنى
بحبها لما حلمت مرة انى مت وصحيت كلمتنى ف الموبايل الساعة 5 الفجر وهى بتعيط وقالتلى انتى كويسة
مبصتش اساسا ف الساعة ما هتمتش للوقت اتصلت اول ما صحيت ايا كان الوقت عشان بس تقولى انتى كويسة

بحب السلسلة اللى نصها معايا والنص التانى معاها

بحب انى اقولها على حاجة مش قادرة اقولها لناس قريبين منى

على فكرة سلمى كلمتنى ف اللحظة دى على الموبايل بتسأل عليا بتيجى ع السيرة البت دى

نكمل بقى

بحب قلقها عليا بحب خوفها عليا بحب حبها ليا بحب شيماء وايمان اخواتها اووووووووووى

بحب الصدفة اللى جمعتنى بيها

بحب الصور اللى اتصورناها مع بعض سواء كانت ع الموبايل او ف استديو وسواء كانت حلوة او وحشة

بحب لما اعمل نفسى مخاصمها او زعلانة منها والقيها جت تثبتنى بكلمتين وتدلعنى زى الاطفال الصغيرين

بحبها لما تتعصب عليا وتضربنى

بحبها لما تمنعنى من حاجة غلط كنت هعملها او تبعدنى عن شخص معين عشان هيضرنى

بحبها لما تغير من يوستينا او لما تلاقينى بكلم حد من صحابى واحس انها متضايقة

بحب شعور الانانية اللى عندها انها عايزانى بتاعتها بس

بحب الخمس دقايق اللى بنقعد فيهم قبل درس الرياضة او الانجليزى

بحب لما تكلمنى ونقعد ننم ف خلق الله

بحب لما نصلى الظهر ف بيتها قبل درس العلوم عشان الظهر ما يفوتناش

بحب لما بنبقى مهيسين ونضحك بصوت عالى ف الشارع

بحب لما الاقيها بتدور على حد معين انا عايزة اشوفه والاقى عينيها لفت ف المكان ككله عشان تجيب الشخص ده وتقولى على فكرة

مش عارف مين هناك اهو

بحب اوى لما نقول احنا الاتنين كلمة ف نفس الوقت ودى بتحصل كتير وبتحصل كمان ف النت

بحبها لما تزعل منى واروح اثبتها بكلمتين وتقولى يا سلام ياختى

بحب الخطط الشريرة اللى بنعملها لدرجة انى بحس ساعات اننا عصابة

بحب سلمى عشان بتمسح دموعى ف الوقت اللى ممكن تكون ناس قريبة جدا منى مش شايفة دموعى اصلا

بحبها عشان بتقول حجات بتضحكنى اوى

وساعات بنقعد نضحك لغاية ما نعيط

بحب الابتسامة اللى انا عارفة انى هلاقيها على وشها لما تقرأ الكلام ده

بحب سلمى عشان هى سلمى

ربنا يخلينى ليكى ويخليكى ليا

خدت البنى

خدت  الحزام البنى يا بشررررررر

كابتن عمرو

حد محترم بجد وذكى جدا غريب شويه بس طيب جدا
بجد انا بحس انه اخويا فعلا بحس انه قدوة فعلا
كنت زمان بزعل لما بلاقى كابتن عمرو بيتكلم عن 2007 او اى حد منهم واو يحكى ذكرياته معاهم
ومازلت بصراحة بس انا وصلت لمرحلة دلوقتى عرفت انا مكانتى عنده ايه
عشان كدا مش بزعل ونفسى اوى بجد يفضل على صلة بيا على طول وبعد ما يتجوز ان شاء الله
نفسى ما ينسانيش
نفسى يعرف انا قد ايه بعزه ويعرف قد ايه انا بحترمه بجد

كابتن عمرو من الناس اللى كنت اتمنى اعرفها من زمان
ويارب اكون ف المكانة اللى انا متوقعها عنده مش مجرد واحدة كان بيمرنها وبقى على صلة بيها

ربنا يكرمه ان شاء الله ويكرمنى وابقى اوريه شهادة الثانوية وفيها مجموع حلو كدا ويبقى مبسوط اوى

تذكرتى رايح جاى

طعم البعاد صبار .. والغربة ليل بهتان
ياقلبى ياموجوع .. إياك تكون قلقان

لو طالت المسافات .. انا والأمل اخوات
وتالتنا كان الليل .. دة انا ليا فيها النيل

وليها فيا الروح .. ما اخترتش إنى اروح
ما انا جوعى كان كفران .. ملعون ابوك ياطموح

أخرك تشوفلى كفيل .. لكنى مش قلقان
تذكرتى رايح جى .. انا مش فى بلدى عويل

لكـنى مش بتشاف .. زهرة سنينى عجــاف
مع إنى ليا عزيز .. افتونى فى رؤياى

لمـوا الأمانى إزاى .. حطوها على الباسبور
احلامى صبحت بور .. ممنوع عليه الضى

لكنى مش قلقان ..  تذكرتى رايح جى
البعد عنك خوف .. وانا عالرجوع .. وأنا عالرجوع ملهوف

لكنى هعود ازاى .. ومكانى كله ضيوف
ياقلبى ياموجوع .. يا آهه حاضنة دموع

حب البلد بيعيش .. لما يموت الجوع
ياحضن بيسعنى .. واحتجت له وباعنى

ساعة ما مد إيديه .. شاور وودعنى
لكـنى مش قلقـان .. تذكـرتى رايح جـى

I'm alive

smile

I'm very proud

عندما تندمج السعادة مع الفخر مع البهجة
انا فرحانة بجد كان المجموع ده مجموعى انا
مبروك يا احمد 100.2%
مبروك يا شافعى اهم حاجة انك ان شاء الله لما تساف ر السويس عشان البترول
هاخد انا اوضتك

انا